DIY絲花花球

一直很想DIY花球, 初初買了些絲花回來, 隨手束起已覺得很美~

誰不知原來絲花是由幼鐵線支撐的(真的孤陋寡聞😓), 我那個迷你號剪鉗差點報銷, 只好去五金鋪請教叔叔們~ 終於,買了大號剪鉗, 可以開工!

剪了一整晚, 終於把他們分好了😜(要用點氣力啊!)

左拼拼, 右拼拼, 才發覺隨手並不能做一個美美花球~真的要花點心思, 才能做出這個vintage feel的優雅花球😊

希望, 新娘子喜歡😊

涼拌梅醋秋葵

今日突然想煮飯, 見屋企有包秋葵, 想學梁祖祖整個檸汁蜜糖涼拌秋葵~ 可惜, 屋企百無, 真係整乜鬼~~ 好彩, 靈機一觸, 將自制梅醋加落秋葵度,  酸酸地, 味道又幾夾wor ~ 

涼拌秋葵整法: 

秋葵煮三分鐘, 放涼後切粒, 雪凍, 食嗰陣加梅醋, 完成!!

小平津

一直以黎, 心中總有幾間百吃不厭, 諗唔到食乜就一定食呢間既心水飯堂, 而小平津一定係排第一位! 

講真, 銅鑼灣雖然多食肆, 但要好食既, 都真係唔多, 好食得黎仲要覺得抵, hahaha ~ 如果大家有其他推介, 真係要分享吓~ 

講返小平津, 我最愛佢既service , 好多野食都可以計人頭供應, flexible , 又唔驚太多食唔哂, 太少唔夠食😛

佢地送既前菜夠開胃, 刺身新鮮, 軟殻蟹夠脆, 燒牛脷爽脆又juicy, 魚湯鮮甜...其實, 好食既野真係數唔哂, 快d去試!!!

樂意扒房 Louis Steak House

今晚同朋友們一起與男友慶生, 由於男友無肉不歡, 所以今日揀選去樂意扒房試新野. 

樂意扒房係一間傳統既老式扒房, 由幾兄弟(uncle輩分👍)合力經營~ 

伯伯們親切地介紹如何選菜, 最後, 當然係揀選佢地既提議😊

首先先黎個法國生蠔~ 嘩, 爽脆, 肥美, 淡淡海水味~ 真係即刻想叫幾打繼續食!! 伯伯話佢地既蠔逢星期四返貨, 因為佢地有專門雪櫃將生蠔儲存於0°, 所以,  可以保存生蠔既鮮味~

接著, 係白酒煮紐西蘭蜆~ 美味

跟住, 黎一個蟹肉蘑菇湯, wow ~ 入面既芝士同蟹肉, 簡直驚喜！

接著, 牛油果沙律清一清先~

等左咁耐, 主菜終於出現! 左邊既係秋生响燭光晚餐食得好滋味既牛, 右邊係rib eye ~ wowo ~ 真係唔講得笑, 佢地juicy n tender , 十分回味~ 連side 既蕃茄同薯仔都新鮮到震! 真係不得了!!

伯伯仲介紹左支lafite比我地配牛扒, 美味~

好期待再去Louis Steak House , 品嘗美味既牛扒!! 

Le Chione黑色尖頭鞋

今㳄係第一次買Jelly Beans 另一條line既鞋, Le Chione多d OL款既式返工鞋, 都好靚gar ~ 不過, 佢除左有外表, 內涵都真係不得了~ 今日第一次著, 仲要企足10個鐘, 都好似如履平地咁, really amazing😍

Btw, 著佢, d同事話我隻腳好似瘦左咁~ hoho ~ 

Jelly Beans 花花露趾鞋

夏天一到, 隻腳就容易出汗^_^著密頭鞋, 但又唔想著䙦, 真係好辛苦~~~

Hoho , 咁又比個藉口自己買對Open Toe ~ 夏天靠你啦!!!

6ixty 8ight

之前只會去Uniqulo買home wear , 因為款多又舒服~ 不過, 呢期屋企附近開左6ixty 8ight, 先發現佢d home wear 都好正!! 

呢件長衫質感柔軟, 中䄂款, 開冷氣著最好, 唔怕凍親, 又唔會太熱!!

呢條短褲仔, 簡直係夏天恩物! 今期興有絲帶蝴蝶結既短褲,cotton on都有好多款式, 不過, 都係6ixty 8ight既質地好d , 款都靚d~

Beef & Liberty

同同事去左金鐘PP3, 星街附近既Beef & Liberty 食左個Lunch ~ 嗰度地方舒服, Burger Set又大大份 ~ what da relaxing Lunch ~

味之誘惑-日本零食店

係759仲未有嗰陣, 已經好鍾意去味之誘惑既第一城店買零食, 鍾意佢又多唔同款既日本零食,仲要價錢相宜~ 不過, 有左759後, 佢地既吸引力好似細左~ 

今日行過紅磡間味之誘惑, 不得了, 簡直有流連忘返既感覺~ 睇下買左d咩先~ 

卡樂B x Royce - wowo ~ 雖然我唔係太好Royce既choc chip, 不過, 今次cross 卡樂B，唔知會唔會好味d😬

又係卡樂B, 呢個係cross我最愛既明太子~ 好期待呀!!

呢個有d似旺旺, 不過, 佢淡味d, 少少鹹, 一流既take a break零食！

希望大家多d支持小店, 等大家多d選擇!!

Zoe Cake

想去Zoe食件cake作為生日蛋糕好耐啦~ 過左多年, 呢個願望終於成真😋

Godiva 朱古力涷飲

悶熱既天氣, 嘆返杯Godiva既dark choc drinks 真係人生一大享受!! 

$12蚊店小架子

呢個架真係要極力推介~廚房買左過放調味料, 矮書櫃上放左個擺指甲油,書房個用黎放高部laptop~ 簡直係僭建好幫手!!

Choya黑糖梅酒

今日同事送上Choya黑糖梅酒, wowo , 原來佢有好多種飲法.除左加紅茶, 梳打之外, 仲可以加奶~ 即係好似Baileys咁??haha ~ 好期待, 遲d試下先😊

玫瑰露花雕醉蝦

自從係八一零四生活盒子食過火焰蝦後, 一直對玫瑰露既香醇念念不忘~ 

今日原本想整花雕醉蝦, 點知唔夠花雕, 去到超市見到玫瑰露, 即刻想mix埋兩種酒一齊整,效果又幾好wor ~ 

整法簡單: 花雕, 玫瑰露適量, 加杞子, 紅棗, 浸一陣, 再放蝦, 水滾後隔水蒸大約
10分鐘, 完成😊

- 紅棗記住去核, 無咁燥

- 剪蝦角

- 花雕, 玫瑰露份量隨意, 我都係唔夠花雕先加玫瑰露, 可見係幾隨意😝

- 酒既份量我預蓋過d蝦, 如果覺酒味太濃, 可加水溝淡

- 可蓋上錫紙隔水蒸

浸梅醋

浸得梅酒, 當然要整埋梅醋啦😊上年用左白醋, 怪怪的😛今年試下用米醋, 我諗會易入口d...期待下年收成期😊

抵用浴簾

一直都係$12蚊店既fans, 所以呢到會介紹d抵用既野比大家😊

D浴簾好易發霉, 就算去IKEA買最平既浴簾都要around $7x, 既然如此, 不如去$12蚊店, 經常換都無咁心痛😛

浸梅酒

左邊係新浸既梅酒, 右邊係上年浸既梅酒~ 自己整真係好飲過Choya~ 超好味! 不過, 今年d梅熟左d，希望ok la~

Jelly Beans靑綠底橙色蝴蝶尖頭鞋

今次去左朋友介紹新之城間鋪買Jelly Beans , 不得了, 鞋款多, 價錢仲抵過灣仔,真係唔買就對唔住自己😜

青蘋果尖頭鞋~

今日又去葵芳買鞋, 呢間鞋鋪既羊仔皮真係好舒服~今次仲要斷碼減價(我要著39號呀~),隻色又靚, 暗踭尖頭~hoho ~ 

My 1st post 📝

讀書時代, 寫blog只係傷春悲秋, 懷念下一場夢...

踏入社會, 交換日記兩次, 可惜, 好友不見了....

再次寫blog, 只希望同大家分享生活美事☺️對快樂人生作出少少貢獻~